ஆயிரம் ரெண்டாயிரம் மூவாயிரம்...

கடந்த அக்டோபர் மாதம் பதிவு ஆரம்பித்தேன். இந்த ஐந்து மாதத்தில் பத்தாயிரம் ஹிட்ஸ். பட்டினத்தார்  போன்ற விசயங்களை எழுதினால் கடை காத்து வாங்குச்சு. சினிமா விமர்சனங்களும், நித்தியின் வாக்குமூலமும் அதிகம் பேர் வாசித்த பதிவுகள். ஆகவே மக்களே தொடர்ந்து மொக்கை பதிவுகளை அதிகமாக பதிய முடிவு செய்திருக்கிறேன்.

 தொடந்து பின் தொடர்பவர்களுக்கும், எனது ஏழே முக்கால் லட்சம் வாசகர்களுக்கும் நன்றி.

பின்குறிப்பு:- இந்த பத்தாயிரம் ஹிட்ச வச்சு என்ன பண்றது?. இத வச்சுக்கிட்டு யாராவது பத்தாயிரம் ரூபாய் குடுத்தீங்கன்னா நல்லா இருக்கும். அவ்வளவு தரமுடியாடியும், கொஞ்சம் குறைச்சு 9999 ரூபாய் குடுத்தாக்கூட போதும். பாத்து பண்ணுங்க.

பலாபட்டறை ஷங்கரின் Judjement day

 

 நானும் என் மனைவியும் இருபது வருடம் சந்தோசமாக இருந்தோம். பின்பு நாங்கள் சந்தித்து கொண்டோம். திருமணத்தை பற்றி நகைச்சுவையாக சொல்லும் வாசகம் அது. 

பத்து வருடங்களுக்கு முன்பு சந்தோசமாக இருந்த ஒரு பெண், ஷங்கரை முதன் முதலாக சந்தித்து மணம்முடித்த நாள் நாளை (26-2-20 ?? ). 

ஷங்கர்,பிரபல பதிவர், கூடிய சீக்கிரம் மற்ற ரவுடி பதிவர்களுடன் ஜீப்பில் ஏற இருக்கும் திறமை படைத்தவர். அவரை இந்த நல்ல நாளில் வாழ்த்துவதோடு இந்த பத்து வருட காலம் அவருடைய மொக்கைகளை அவருடைய அழிச்சாட்டியங்களை தாங்கி, மிக பொறுமையாய் இருந்து அவருடன் வாழ்ந்து வரும் திருமதி ஷங்கருக்கு "கோல்டன் க்ளோப்" விருது வழங்க இந்த அரசாங்கத்துக்கு பரிந்துரை செய்கிறேன்.

வாழ்த்த வயதில்லை என்றாலும்  மனம் இருக்கின்ற  காரணத்தால் வாழ்க தம்பதியினர். வாழ்க வளமுடன்.

பின்குறிப்பு:-

புகைப்படம் ஷங்கரின் இணைய தளத்தில் இருந்து திருடப்பட்டது.இல்லற வாழ்கையில், இந்த பத்து ஆண்டுகளில் ஞானம் அடைந்துவிட்டதால் அதை கொண்டாடும் விதத்தில் நாளை ஷங்கர் பார்ட்டி அளிக்கிறார். கலந்து கொள்ள விருப்பம் உள்ளவர்கள் அவரை தொடர்பு கொள்ளவும்.

காதலர் தினம் - சிறப்பு பதிவு

காதலிக்கும் அனைவருக்கும் இனிய காதலர் தின வாழ்த்துக்கள்.

நாங்கெல்லாம் வருஷம் பூரா காதலிப்போம், எங்களுக்கு  எதுக்கு தனியா ஒரு நாளு. சொன்னா யாருக்காவது புரியுதா. இந்த வியாபாரிங்கதான் வாழ்த்து அட்டைய விக்கணும் பூவ விக்கணும், பொம்மைய விக்கனும்னு எதையாவது கிளப்பி விடுறாங்கன்னா இந்த பதிவர்கள் வேற சீசன் பதிவு போடுறாங்க.தவிர அந்தந்த சீசனுக்கு உண்டான பதிவு போடலைனா தமிழ்நாட்டை விட்டே தள்ளி வச்ருவாங்க போலிருக்கு.காதல் புதிரா, காதல் புனிதமா, காதல் சமூக அறிவியலா, காதல் கவிதையா எல்லா தலைப்பிலும் பலர்  பதிவு எழுதி ஆச்சு.  இதுல ஒரு பதிவர் (ஷங்கர் அல்ல ) எனக்கு கால் பண்ணி, காதலர் தினத்துக்கு நான் ஒரு கவிதை எழுதி வச்சுருக்கேன் அத போஸ்ட் பண்ண போறேன் அன்னிக்கு நீங்க என்ன போஸ்ட் பண்றீங்கன்னு கேட்டார். நமக்கு அந்த கவிதை கண்றாவிதான் வர மாட்டேங்குது. அதனால சும்மா சிரிச்சு வச்சேன்.எனக்கு தெரிஞ்சு காதல பத்தி அருமையா ஒரு நாட்டுப்புறப்பாட்டு இருக்கு. என்ன, கல்யாணத்திற்கு பிறகு மனைவி ஆனவள் என்னவெல்லாம் செய்யணும்னு காதலன் காதலிக்கு பாட்டின் மூலமா குறிப்பு எடுத்து கொடுப்பான். இந்த ப்ளாக்கிற்கு வாசகிகள் எண்ணிக்கை (யாருப்பா அது) அதிகம் இருப்பதால் இங்கே போஸ்ட் பண்ண முடியாது. தேவை ஆனவர்கள் தனியாக மெயில் அனுப்பவும்.(மெயில்களின் எண்ணிக்கையை பொறுத்து கட்டணம் வசூலிக்கிறதா வேண்டாமான்னு முடிவு செய்வேன்).

சரி நாம காதலிச்ச கதைய போடலாம்னா, வீட்ல பொஞ்சாதி இத படிக்கறதோட இல்லாம   என் ஊட்டுக்காரர் நெட்ல எழுதுறாரு நெட்ல எழுதுறாருன்னு, சொக்காரங்களுக்கு எல்லாம் கூவி கூவி சொல்லி ஆச்சு.அதனால அத எழுதி என்ன யோக்கியன்னு நம்பிகிட்டு இருக்குற பயபுள்ளைக நினைப்புல சாண்ட் அள்ளி போட விரும்பலை.

ஆகவே மகா ஜனங்களே நல்லா காதலியுங்க.. காதலிக்கிற கொஞ்ச காலம் மட்டும்தான் உங்களால சந்தோசமா இருக்க முடியும். அறிஞர் ஆல்பர்ட் ஐன்ஸ்டின் என்ன சொல்றார்னா, பொண்ணுங்க கல்யாணம் பண்ணும் பொழுது கல்யாணத்திற்கு பிறகு காதலன் மாறிடுவான்னு நினைப்பாங்கலாம் . அதே பசங்க கல்யாணம் பண்ணும் பொழுது கல்யாணத்திற்கு பிறகு காதலி மாறாம அப்படியே இருப்பான்னு  நினைப்பாங்கலாம்.ஆனா ரெண்டு பேரு நினைப்பிலேயும் தண்ணி லாரி ஏறுமாம். சீக்கிரம் கல்யாணம் பண்ணிக்குங்க. வந்து எங்க ஜோதில ஐய்கியமாகுங்க.விட்டில் பூச்சிகளாய்...

காதலி கிடைக்காத வாலிப வயோதிக அன்பர்களே, அம்மாகிட்ட மம்மு வாங்கி சாப்டுட்டு,  கூகுளில் "valentine's day coloring pages for kids" அப்படின்னு டைப் பண்ணா கீழே உள்ள மாதிரி நிறைய படம் வரும்.அப்பா உதவியுடன் அத பிரிண்ட் அவுட் எடுத்து நல்லா கலர் பண்ணுங்க. சமத்தா கலர் பண்ணி மறுபடியும் அம்மாகிட்ட மம்மு வாங்கி சாப்பிட்டு படுத்து தூங்குங்க.  ங்கா...

பின் குறிப்பு :- 
இந்த சிறப்பு பதிவு முடிஞ்சது. அடுத்த சிறப்பு பதிவு மார்ச் மாசம் ஹோலி வருதாம்ல. அப்ப பாப்போம். பிப்ரவரி பதினாலுக்குதான் இன்னும் அஞ்சு நாள் இருக்கே, அதுக்குள்ள என்ன அவசரம்னு நீங்க கேக்கிறது புரியுது. வலது பக்கம் மேல பாருங்க. உங்களுக்கே புரியும்.இனிமே கேப்பீங்க?!?!. 
லேபிளுக்கும் பதிவுக்கும் நோ கனக்சன்.நல்லா இருங்க மக்கா.

அன்பு நெஞ்சங்களுக்கு..

(படம் உதவி: ஏதோ ஒரு இணையதளம்)

அன்பு நெஞ்சங்களுக்கு, நீங்க படிச்சுட்டு இருக்குற இந்த ப்ளாக் இந்த வருஷம் ஆரம்பிச்சதுதான். வலைப்பூக்களோடு கடந்த மூன்று வருசமா தொடர்பிலிருந்தாலும் ப்ளாக் ஆரம்பிக்க ரெம்பவே யோசிச்சேன். ஒருவழியா அக்டோபரில் ஆரம்பிச்சு ஏதோ போய்ட்டு இருக்கு. இதனால நிறைய நண்பர்கள் கிடைச்சாங்க .மற்றபடி இந்த வருஷம் ரிஷசெனால ஆபிசுல கொஞ்சம் பிரச்னை. உருவிடுவாங்கன்னு பயத்துல பாண்ட இறுக்கி பிடிசுட்டுதான் இருந்தேன். வேலையை தவிர, போனசு இன்க்ரிமெண்டு எல்லாத்தையும் உருவிடாங்க.
புது வருசத்திலயாவது உருவுனதை திருப்பி தருவாங்களான்னு தெரியலை. இல்லேன்னா இந்த வருஷம் வேற அண்ணாச்சி கடை பாக்க வேண்டியதுதான். (இப்படி கடை கடையா போறதே பொழப்பா போச்சு).

ஆபிசு வேலைல பிரமோசன் இல்லைனாலும், தனிப்பட்ட வாழ்க்கைல பிரமோசன் வைடிங். என் வீட்டு ரேசன் கார்டில், என் பெயர் ,மனைவி பெயருக்கு அடுத்து புதிதாக ஒரு பெயர் இணைக்கப்பட உள்ளது. டாக்டர்கள் கூறிய பிப்ரவரி முதல் வாரத்திற்கு குடும்பமே ஆவலாய் காத்திருகிறது.

இழந்தது, நேற்று தீடீர் என்று ஹிட் கவுன்ட்டர் வேலை செய்யவில்லை. போஸ்ட் ரீடிங் அதிகமாய் காண்பிக்க, ஹிட் கவுன்ட்டர் வந்தவர்களின் எண்ணிக்கை ரெண்டிலேயே திகைத்து நின்று விட்டிருந்தது. ஏதோ அஞ்சு லட்சம் ஹிட்ஸ் வாங்கின பிரபல பதிவர்னா சரி, நம்ம வாங்குற அஞ்சுக்கும் பத்துக்கும் தப்பா காட்னா எப்படி கல்லா கட்றது? இன்னிக்கு ஆபிசு சிஸ்டத்தை ஆன்லையே வச்சு, என் ப்ளாக்கை ஓபன் பண்ணி, F5 கீ மேலே எதை ஆவது வச்சிட்டு வீட்டுக்கு போலாம்னு ஒரு எண்ணத்துல இருக்கேன்.புது வருடம் மொக்கைகளை குறைத்து கொண்டு கொஞ்சம் உருப்படியாய் எழுதவும் முயற்சிக்கிறேன்.

மற்றபடி பிறக்கப் போகும் புது வருடத்தில் துணிவும், மன உறுதியும் உங்களை வழி நடத்திச்செல்ல உங்கள் வாழ்க்கை சந்தோசமாக அற்புதங்கள் நிறைந்ததாக இருக்க இறைவனை வேண்டி கொள்கிறேன்.

மன்னிக்கவும், நீங்கள் தமிழர் இல்லையா... எனவே.....



"WISH YOU A HAPPY NEW YEAR"




*************************************************************************************

மூத்த மற்றும் பிரபல பதிவர்களுக்கு நன்றி நவிலல்....

எத்தனை நாள்தான் படித்து கொண்டிருப்பது.. என் உள்ளகிடங்க்கில் ஊருகின்ற புரட்சி எண்ணங்களை இந்த புத்திகெட்ட சமுதாயத்தில் விதைத்து, ஒரு பெரும் புரட்சியை உண்டு பண்ணி , இந்த சமுதாயத்துக்கு நாமும் ஏதாவது செய்யணும் பாஸ் (நன்றி வார்த்தை உபயம் : நர்சிம்) ... அப்படின்னு நினைச்சு இந்த புண்ணிய ப்ளாக ஆரம்பிச்சா கடை விரித்தேன் கொள்வாரில்லை...
இடி விழுந்தது போல் ஆனது இதயம்...
அந்த நேரத்தில் தூரத்தில் தெரிந்தது ஒரு ஒளி கீற்று....
பிரபல பதிவர் வால் பையன் முதல் கம்மென்டிட்டு ஆரம்பிச்சு வைக்க, பின்னாடியே பிரபல பதிவர் அப்துல்லாவும் வழி மொழிய... பொறவு நாம கூச்சமே இல்லாம போய் கூப்டதினாலே அண்ணாச்சி ஆஸிப் மீரான் அவர்களும் வந்து மொய் செஞ்சுட்டு போனாக மக்கா...

என்னை மேலும் உற்சாகம் ஊட்டும் விதத்தில் பிரபல பதிவர் தேவன் மாயம் என் முதல் பின்தொடற்பவரா சேர்ந்தே விட்டார்....

இவங்களுக்கு எல்லாம் கண்கள் இனிக்க நெஞ்சம் பணிக்க நன்றி சாமியோவ்....